اسلام آباد ۔ 8 اگست (اے پی پی) پارلیمانی سیکرٹری ہاﺅسنگ و تعمیرات سید ساجد مہدی آکھیا ہے جوآئینی اداریں دے ملازماں کوں سرکاری رہائش گاہواں فراہم کرنڑ دی سہولت کائنی ڈتی ویندی ‘ وزارت ہاﺅسنگ و تعمیرات انہاں کوں رہائش گاہواںالاٹ کرنڑ سانگے سمری وزیراعظم کو ں پٹھ رکھی ہے ۔منگل کوں قومی اسمبلی اچ خالدہ منصور دے قومی اسمبلی سیکر ٹریٹ ‘ سینٹ سیکرٹریٹ‘ الیکشن کمیشن اتے سپریم کورٹ آف پاکستان دے ملازماں کوں سرکاری رہائشاں آئندہ الاٹ نہ کرنڑ متعلق توجہ مبذول نوٹس دا جواب ڈیندے ہوئیں پارلیمانی سیکر ٹری ہاﺅسنگ تے تعمیرات سید ساجد مہدی آکھیا جو سرکاری رہائشاں تے وزارتاں اتے ڈویژناں سانگے ہوندیاں ہن ۔آئینی اداریں دے ملازماں کوں سے سہولتاں کائنی ڈتیاں ویندیاں ۔ اسلام آباد ہائی کورٹ اچ رہائشاں الاٹ کرنڑ دے حوالے نال ملازماں درخواست دائر کیتی ہئی ۔ اسلام آباد ہائی کورٹ وی اے درخواست مسترد کر ڈتی تاں جو وزارت ہاﺅسنگ و تعمیرات سمری وزیراعظم کو ں بھیجی ہے جو آئینی اداریں دے ملازماں کوں رہائشاں الاٹ کرنڑ دی اجازت ڈتی ونجے ۔ توجہ مبذول نوٹس تے خالدہ منصور‘ ثریا اصغر اتے شکیلہ لقمان دے سوالاں دا جواب اچ سید ساجد مہدی آکھیا جو سپریم کورٹ تے ہائی کورٹ دے فیصلے دے بعد ہنر قواعد کوں نرم کرتے کہیں کوں الاٹمنٹ نی کیتی ونج سگدی ۔ ثریا اصغر تجویز ڈتی جو ایں معاملے کوں کمیٹی دے حوالے کیتا ونجے ۔ سید ساجد مہدی آکھیا جو انہاں کوں کوئی اعتراض کائناں ہوسی ۔ڈپٹی سپیکر ایں معاملے کوں متعلقہ قائمہ کمیٹی دے حوالے کر ڈتا ۔
