اسلام آباد ۔ 30 اگست (اے پی پی) سینٹ کو ں ڈسایا گیا جو موبائل فون کارڈز دے استعمال تے 12.7 فیصد انکم ٹیکس اتے 17 فیصد فیڈرل ایکسائز ڈیوٹی لاگوتھیندی ہے جڈاں جو موبائل کارڈ لوڈ کرنڑ تے استعمال دے وقت 19.5 فیصد سیلز ٹیکس قابل وصول تھیندا ہے۔ بدھ کو ںایوان بالا اچ وقفہ سوالاں دے دوران سینیٹر ستارہ ایاز، سینیٹر تاج حیدر اتے سینیٹر روبینہ خالد دے سوالاں دے جواب اچ وفاقی وزیر قانون زاہد حامد ڈسایا جو 100 روپے دا کارڈ لوڈ کرنڑ تے 25.62 روپے ٹیکس وصول تھیندا ہے، انکم ٹیکس ایڈوانس پورے ملک اچ لاگو ہے اتے ایکسائز ڈیوٹی انہاں علاقیں اچ لاگو ہے جتھاں صوبائی سیلز ٹیکس وصول کائنی کیتا ویندا ،ایڈوانس انکم ٹیکس کارڈ لوڈ کریندے ویلھے وصول کیتا ویندا ہے موبائل کمپنیاں 7ڈینھ دے اندر ادا کریندیاں ہن جداں جو موبائل ایکسائز ڈیوٹی دی ادائیگی سیلز ٹیکس تے فیڈرل ایکسائز ڈیوٹی گوشواریں دی صورت اچ مہینے دی بنیاد تے جمع کرویندی ہے ۔
