وزیراعطم شاہد خاقان عباسی دی مسیحی براردری دے وفد نال ملاقات اچ گالھ مہاڑ

ملک اچ اقلیتاں دا تحفظ سارے شعبے اچ میرٹ تے استعداد دے مطابق انہاں کوں ترقی دے موقع فراہم کرنڑاں حکومت دی ترجیح اچ شامل ہے
وفد دی وزارت اعظمیٰ دا منصب سنبھالنڑ تے پاکستان دی پوری مسیحی برادری ولوںوزیراعظم شاہد خاقان عباسی کو ں مبارخ باد
اسلام آباد ۔ 21 اگست (اے پی پی) وزیراعظم شاہد خاقان عباسی آکھیا ہے جو ملک اچ اقلیتاں دا تحفظ سارے شعبے اچ میرٹ تے استعداد دے مطابق انہاں کوں ترقی دے موقع فراہم کرنڑاں حکومت دی ترجیح اچ شامل ہے ۔اقلیت دے مسئلیں دے حال سانگے حکومت سارے ممکن اقدامات کریسی ۔انہاں اے گالھ پارلیمانی سیکرٹری مذہبی امورخلیل جارج دی قیادت اچ مسیحی برادری دے وفد نال سنوار کوں اتھاں وزیراعظم آفس اچ ملاقات دے دوران آکھی ۔وفد چ بشپ عرفان جمیل،بشپ اشرف جوزف، بشپ ہمفرے سرفراز، پاسٹر ابراہیم دانیال، پاسٹرعمران فضل، سسٹر سوزن سرداراتے سسٹر مارتھا تاج شامل ہن۔وفاقی وزیرشماریات کامران مائیکل وی ملاقات اچ موجود ہن۔وفد وزارت اعظمیٰ دا منصب سنبھالنڑ تے پاکستان دی پوری مسیحی برادری ولوںوزیراعظم شاہد خاقان عباسی کو ںمبارخ باد ڈتی ۔وفد پاکستان اچ جذام دے مریضاں سانگے اپنڑی زندگی وقف کرنڑ آلی آنجہانی ڈاکٹرروتھ فاﺅ دی سرکاری تدفین دے اعلان تے وزیراعظم دا شکریہ اداکریندے ہوئیں آکھیا ہے جو حکومت پاکستان ڈاکٹرروتھ فاﺅ کوں جیرھی عزت تے احترام ڈتا ہے ایندے نال پاکستان دی مسیحی برادری کوں پورے ملک اچ پہلے توں جاری سماجی اتے انسانی ہمدردی دی خدمات کوں وسعت ڈیونڑ دا حوصلہ ملیا ہے ۔وزیراعظم آکھیا جو حکومت اقلیتاں دے سارے مسئلے دے حل سانگے ممکنہ اقدامات کریسی ۔