اسلام آباد ۔ 3 اگست (اے پی پی) صدر آزاد کشمیر سردار محمد مسعود خان آکھیا ہے جو وزیراعظم آزاد کشمیر با عزت شخصیت ہن ۔پاکستان دی ساری سیاسی قیادت کوں انہاں دا احترام کرنڑاں چاہیدا ہے ۔کشمیریاں 1932اچ الحاق پاکستان دی قراداد منظور کرتے اپنڑی منزل دا تعین کیتا ہئی ،کشمیر بنڑسی پاکستان دا نعرہ ہر کشمیری نعرہ ہے ۔خمیس کوں کشمیر ہاﺅس اچ پریس کانفرنس توں خطاب کریندے ہوئیں صدر آزاد کشمیر آکھیا جو وزیراعظم آزاد کشمیر راجہ فاروق حیدر اپنڑے بیان دی تردید کر ڈتی ہئی ۔ او محب وطن ہن ،ایں طرح دا غلط بیان کہیں طور تے درست کائنی انہاں دے بیان کوں سیاق سباق توں ہٹ تے پیش کیتا گیا ۔ 1932اچ اسڈے آباﺅ اجداد قراردادالحاق پاکستان منظور کرتے اپنڑی منزل دا تعین کر ڈتا ہئی ۔
