اسلام آباد۔ 28 اگست (اے پی پی) وزیراعظم شاہد خاقان عباسی آکھیا جو پاکستان افغانستان اچ امن و استحکام دی خواہش اے،خطے اچ امن تے استحکام اساڈا عزم اجاگر اے جو پاکستان ملک دے اندر دہشت گردی دے خلاف کامیاب مہم جاری رکھی اتے گراں قدر قربانیاں پیش کیتی۔انہاں اے گالھ پاکستان اچ برطانوی ہائی کمشنر تھامس ڈریونال گالھ مہاڑ کریندیں ہوئیں آکھی جنہاں سنوار کوں انہاں نال ملاقات کیتی۔برطانوی ہائی کمشنر ،شاہد خاقان عباسی کوں وزارت عظمیٰ دا منصب سنبھالنڑ تے مبارکباد ڈیندیں ہوئیں برطانوی وزیراعظم تھریسامے داتہنیتی سنھےا پجایا اتے ایں گالھ تے زور ڈتا جو تھریسامے دی صورت اچ برطانیہ اچ پاکستان دا ہک وڈا عظیم دوست اے، وزیراعظم تھریسا مے پاکستان کو ں بخوبی جانڑدی اے اتے انہاں ترائے واری پاکستان دا دورہ کیتا۔برطانیہ پر امن اتے مستحکم خطے سانگے پاکستان دی کوششاں دی حماےت سانگے پر عزم اے۔انہاں پاکستان دے قانون نافذ کرنڑ آلے اداریاں اتے فوج دی قربانیاں دا اعتراف کریندیں ہوئیں پاکستان ولوں کیتے گئے آپریشنز نال قبائلی علاقیاں دے بہوں وڈے حصے کوں دہشت گرداں اتے انہاں دے نیٹ ورکس توں پاک کرنڑ اچ مدد ملی اے۔
