اسلام آباد ۔ 16 اگست (اے پی پی) قومی سلامتی دی کمیٹی کنترول لائن تے بھارتی فوج ولوں متواتر فائرنگ دے واقعات تے تشویش کریندیں ہوئیں عزم کیتے جو جموں تے کشمیر دے دیرینہ متنازعہ سمیت سارے تصفیہ طلب مسئلےاں دے حل سانگے بغیر علاقائی امن تے ترقی ممکن کائنی۔وزیراعظم شاہد خاقان عباسی دی صدارت اچ قومی سلامتی کمیٹی دا اجلاس تھیا۔اجلاس اچ اندرلی اتے باہرلی سلامتی دی صورتحال اتے علاقائی تے عالمی تناظر اچ پاکستان دی خارجہ پالیسی دے تقاضیاں دا جائزہ گھد اگئیا۔کنترول لائن تے بھارتی فوج ولوں متواتر فائرنگ دے واقعات تے تشویش،مقبوضہ کشمیر اچ انسانی حقوق دی سنگین خلاف ورزیاں پامالیاں اتے نہتے تے معصوم کشمیریاں تے مظالم دی مذمت کیتی گئی اتے دہشت گرد عناصر دے اخیری نشان مٹاونڑ تئیں انسداد دہشت گردی آپریشنز جاری رکھنڑ دا عزم کیتا گئیا۔جلاس اچ وزیر دفاع انجینئر خرم دستگیر خان ، وزیر خزانہ محمد اسحاق ڈار ، وزیر خارجہ خواجہ محمد آصف، چیئرمین جوائنٹ چیفس آف سٹاف کمیٹی جنرل زبیر محمود حیات، چیف آف آرمی سٹاف جنرل قمر جاوید باجوہ، چیف آف نیول سٹاف ایڈمرل محمد ذکاءاللہ، پاک فضائیہ دے سربراہ ایئر چیف مارشل سہیل امان، قومی سلامتی دے مشیر لیفٹیننٹ جنرل (ر) ناصر خان جنجوعہ، ڈائریکٹر جنرل آئی ایس آئی لیفٹیننٹ جنرل نوید مختار اتے سینئر سول تے عسکری حکام شریک تھےے۔
