اسلام آباد۔ 24 اگست (اے پی پی) پاکستان آپنڑی خود مختاری اتے علاقائی سالمےت دے تحفظ دے پکے عزم دا اعادہ کریندیں ہوئیں پاکستان دے مخصوص الزامات کوں مسترد کر ڈتے اتے ایں امر تے زور ڈتے جو اساں پاکستان اچ دہشت گردی کوں ہوا ڈیونڑ دے ذمہ واراں سمیت افغان سرزمین تے دہشت گرداں اتے شر پسنداں دی پناہ گاہواں دے خاتمہ سانگے موثر اتے فوری امریکہ عسکری کاوشاں دے خواہاں ہیسے،افغان جنگ پاکستان اچ نی لڑی ونج سگدی۔پاکستان افغانستان اتے وسیع تر خطہ اچ امن تے استحکام دے سانجھے مقاصد سانگے بین الاقوامی برادری کوں ہر ممکن تعاون ڈیندا رہسی۔ایں گالھیں قومی سلامتی کمیٹی دے اجلاس اچ آکھی گئی جئیں دی صدارت وزیراعظم شاہد خاقان عباسی دی صدارت اچ تھیا۔اجلاس اچ ٹر مپ انتظامیہ ولوں جنوبی ایشیاءحکمت عملی تے غور کیتا گئیا۔جاری بیان دے مطابق کمیٹی پاکستان دے خلاف مخصوص الزامات کوں مسترد کر ڈتے۔ایں امر کوں نوٹ کیتا گئیا جو پاکستان کوں قربانی دا بکرا بنڑاونڑ نال افغانستان اچ استحکام پیداکرنڑ اچ مدد کائنا ملسی،حقیقت اچ افغانستان دا ہمسایہ ہوونڑ دے ناطے پاکستان دا افغانستان دے امن تے استحکام اچ مفاد اے۔کمیٹی آکھیا جو پاکستان کوں افغانستان اچ دیرینہ تنازعہ نال وڈا ضیان چاونڑاں پئے جئیں دے نتےجے اچ وڈی تعداد اچ مہاجرین دا بوجھ چاونڑاں پئے ،منشیات تے اسلحہ دی نقل و حمل اتے حال اچ ای مشرقی افغانستان جتھوں پاکستان مخالف دہشت گرداں گرہ کاروائیاں اتے پاکستان دے اندر حملے کیتن،اچ دہشت گرداں کوں محفوظ ٹھکانڑاں دی صورت اچ متاثر تھےے۔افغانستان دا بوجھ ہٹاونڑ اتے اتھاں حکمرانی دے بغیر وسیع علاقیاں کوں واپس گھنڑ سانگے امریکی عزم کوں نوٹ کریندیں ہوئیں کمیٹی آکھیا جو پاکستان ہک مستحکم اتے پر امن افغانستان سانگے ساری بین الاقوامی کوششاں کی یکا ہمائےت کیتی اے اتے افغانستان اچ بنیادی ڈھانچہ اتے سماجی ترقی سانگے ہک ارب ڈالر توں ودھ وقف کیتے۔
