وزیراعظم شاہد خاقان عباسی دی مسلم لیگ ن نال تعلق رکھنڑ آلے سینیٹرز نال گالھ مہاڑ

چار سالاں دے دوران ترقیاتی منصوبیں اچ بد عنوانی دا ہک کیس وی سامنڑے کائنی آیا ،مسلم لیگ ن دی حکومت کرپشن توں پاک حکومت دا تصور ڈتا ،حکومت قانون دی حکمرانی جمہوری تصورات دی بالادستی تے اداریں دے استحکام تے پکا یقین رکھیندی ہے
اسلام آباد ۔ 22 اگست (اے پی پی) وزیر اعظم شاہد خاقان عباسی آکھیا ہے جو پاکستان مسلم لیگ ن کرپشن توں پاک حکومت دا تصور ڈتا ،درحقیقت اے امر اساں سانگے بہوں قابل فخر ہے جو گزریل چا ر سالاں دے دوران ترقی دے منصوبیں اچ بد عنوانی دا ہک کیس وی سامنڑے کائنی آیا ،موجودہ حکومت، قانون دی حکمرانی جمہوری تصورات دی بالا دستی اتے اداریں دے استحکا م تے پختہ یقین رکھیندی ہے ہے۔ ارکان پارلیمنٹ دے روبرو حقیقی چیلنج گزریل چارسالاں دے دوران حاصل تھیونڑ آلے فائدے کوں تقویت ڈیونڑاں ہے ۔انہاں اے گالھ منگل کوں مسلم لیگ ن نال تعلق رکھنڑ آلے سینیٹرز نال گالھ مہاڑ کریندے ہوئیں آکھی جنہاں وزیراعظم آفس اچ انہاں نال ملاقات کیتی ۔وزیراعظم آکھیا جو پاکستان مسلم لیگ ن دی حکومت گزریل چا رسالاں دے دوران ملک کوں درپیش چیلنج توں کڈھنڑ سانگے اہم کردار ادا کیتا ہے ۔محمد نواز شریف دی قیادت اچ مسلم لیگ ن دی حکومت معیشت توں گھن تے امن و امان دی ابتر صورت حال تئیں دے چیلنج نال چنگے طور تے بنڑنڑ سانگے ملک کوں واپس پٹری تے گھن آیوں تے ترقی دے رستے تے ٹوریا ،وزیر اعظم سکیورٹی، معیشت اتے ترقی توں متعلق مختلف پالیسی اقدامات تے گالھ مہاڑ کریندے ہوئیں آکھیا جو موجودہ حکومت دی کاکردگی گزریل حکومتاں توں بہوں چنگی ہے ۔ حکومت اشد درکار ترقیاتی منصوبیں تے توجہ ڈتی جیں نال عوام دیاں ضرورتاں پوریاں تھیاں تے انہاں منصوبیں کوں ویلھے نال پورا کرنڑ کوں یقینی بنڑایا ۔وزیر اعظم خاص طور تے معیشت ، بجلی دے شعبے ، مختلف ترقیاتی منصوبیں دی وختی تکمیل تے داخلی سلامتی کوں یقینی بنڑاونڑ دے شعبہ جات اچ حاصل تھیونڑ آلیاں کامیابیاں کوں اجاگر کیتا ۔انہاں آکھیا جومسلم لیگ (ن) دی حکومت قانون دی حکمرانی جمہوری تصورات دی بالا دستی اتے اداریں دے استحکا م تے پکا یقین رکھیندی ہے ۔ ارکان پارلیمنٹ دے سامنڑے حقیقی چیلنج گزریل چار سالاں دے دوران حاصل تھیونڑ آلے فائدے کوں تقویت ڈیونڑاں ہے۔ وزیر اعظم نال ملاقات کرنڑ آلے ارکان سینیٹ اچ ایوان بالا اچ قائد ایوان راجہ محمد ظفر الحق، وزیر موسمیاتی تبدیلی مشاہد اللہ خان، وزیر انسداد منشیات لیفٹیننٹ جنرل (ر) صلاح الدین ترمذی، وزیر شماریات کامران مائیکل، وزیراعظم دے معاون خصوصی آصف سعید کرمانی، چوہدری تنویر، غوث محمد خان نیازی، مسٹر حمزہ ، لیفٹیننٹ جنرل (ر) عبدالقیوم، نثار محمد، پرویز رشید، سلیم ضیاء، سردار محمد یعقوب خان ناصر ، سعود مجید ، آغاز شاہ زیب درانی، محمد جاوید عباسی، عائشہ رضا فاروق ، کلثوم پروین ، نجمہ حمید، نزہت صادق اتے راحیلہ مگسی شامل ہن۔