اسلام آباد ۔ 16 اگست (اے پی پی) وزیراعظم شاہد خاقان عباسی آکھیا جو حکومت کاروباری برادری دی سہولت سانگے اہم پالیسی اصلاحات شروع کر ڈتی،قومی معیشت دے اشارےے مستحکم ہن ،منقسم منافع دی منتقلی اتے سرمائے دی نقل و حرکت دی مکمل آزادی نال ملک اچ سرمایہ کاری کوں راغب کرنڑ سانگے خصوصی اقتصادی علاقیاں دے قیام بارے قوانین بنڑائے گئن۔اے گالھ انہاں پاکستان بزنس کونسل دے وفد نال گالھ مہاڑ کریندیں ہوئیں آکھی جئیں بدھ کوں وائس چیئرمین توفیق چنائے دی قیادت اچ انہاں نال ملاقات کیتی۔
