گورنر خیبر پختونخوا اقبال ظفر جھگڑا، وفاقی کابینہ دے ارکان ، وزیراعظم آزاد کشمیر راجہ فاروق حیدر، ارکان پارلیمان اتے پارٹی کارکناں دی وڈی تعداد موجود ہئی
اسلام آباد ۔ 9 اگست (اے پی پی) وزیراعظم شاہد خاقان عباسی سابق وزیراعظم محمد نواز شریف کو ںقافلے دی صورت اچ لاہور روانگی تے پنجاب ہاﺅس توں پرتپاک انداز اچ رخصت کیتا۔ ایں موقع تے گورنر خیبر پختونخوا اقبال ظفر جھگڑا، وفاقی کابینہ دے ارکان، وزیراعظم آزاد کشمیر راجہ فاروق حیدر، ارکان پارلیمان اتے پارٹی ورکراں دی وڈی تعداد موجود ہئی ۔ وزیراعظم شاہد خاقان عباسی، محمد نواز شریف نال کار اچ بہنڑ توں پہلے بھاکل پاتا، کارکناں دا جم غفیر سابق وزیراعظم دی کار دے آسے پاسے موجود ہئی جنہاں”وزیراعظم نواز شریف“ دے نعرے لاتے۔ وزیر خزانہ اسحاق ڈار وی نواز شریف کوں بھاکل پاتا جڈاں جو کابینہ دے ارکان انہاںکوں پر تپاک انداز اچ ہتھ ملایا ۔محمد نواز شریف اپنڑی گاڈی دے آسے پاسے کارکناں کوں ڈیکھ تے ہتھ ہلایا تے انہاں دے نعریں دا جواب ڈتا ۔کارکناں پارٹی جھنڈے تے نواز شریف دی وڈی تعداد اچ تصویراں چا رکھیا ں ہن ۔
