اسلام آباد ۔ 3 اگست (اے پی پی) وزیر اعظم شاہد خاقان عباسی دے اعزاز اچ خمیس کوں باضابطہ استقبالیہ تقریب منعقد تھی جیں اچ مسلح فوج دے چاق وچوبند دستے انہاں کوں گارڈ آف آنر پیش کیتا ۔ایں موقع تے قومی ترانہ وجایاگیا ۔وزیراعظم شاہد خاقان عباسی گارڈ آف آنردا معائنہ کیتا ۔ایوان وزیراعظم دے سینئر افسراں وزیراعظم شاہد خاقان عباسی دی آمد تے انہاں دا پر تپاک استقبال کیتا ۔شاہد خاقان عباسی وزارت عظمیٰ دے عہدے منتخب تھیونڑ دے بعد یکم اگست کوں اپنڑے عہدے دا حلف چاتا ہئی ۔
