اسلام آباد ۔ 24 اگست (اے پی پی) پاکستان ریلوے وڈی عید دے موقع تے مختلف شہراں توں ودھ سارے رش پاروں 5سپیشل ریل گاڈیاں چلاونڑ دا شیڈول جاری کر ڈتا ہے ۔تفصیل دے مطابق پہلی عید سپیشل ریل گاڈی 30 اگست کوں کراچی کینٹ توں ڈینھ 11وجے روانہ تھی تے براستہ ٹنڈوآدم ، رحیم یار خان ، فیصل آباد توں اگلے ڈینھ رات 10 وج تے 30 منٹ تے پشاور کینٹ پج ویسی۔ ڈوجھی سپیشل ریل گاڈی 30 اگست ڈینھ 11 وج تے 30 منٹ تے کوئٹہ توں روانہ تھی تے روہڑی ، ملتان کینٹ ، لاہور دے رستے اگلے ڈینھ شام 6 وج تے 55 منٹ تے راولپنڈی پج ویسی۔تریجھی عیدسپیشل ریل گاڈی 31 اگست کو ںکراچی کینٹ توں ڈینھ 11 وجے روانہ تھی تے نواب شاہ ، بہالپور ، خانیوال دے رستے اگلے ڈینھ سویلے 10 وجے لاہور پج ویسی۔ چھوتھی سپیشل ریل گاڈی یکم ستمبر کوں سویلے 7 وجے راولپنڈی توں روانہ تھی تے براستہ حسن ابدال ، بوسال ، میاں والی توں اگلے ڈینھ رات 10وجے ملتان کینٹ پج ویسی۔ 5ویںسپیشل ریل گاڈی ملتان کینٹ توں چار ستمبر کوں سویلے 7 وجے روانہ تھی تے مظفرگڑھ ، کندیاں ، حسن ابدال دے رستے اگلے ڈینھ رات 10وجے راولپنڈی پج ویسی۔
