راولپنڈی ۔ 2 اگست (اے پی پی) بری فوج دے سربراہ جنرل قمر جاوید باجوہ زور ڈتا ہے جو پاک فوج ملک توں دہشت گردی دے خاتمے تے سرحداں کوں مزید محفوظ بنڑاونڑ سانگے اپنڑیاں کوششاں جاری رکھیسی ،مادر وطن دی حفاظت دے دوران جاناں دیاں قربانیاں ڈیونڑ آلے پاک فوج دے شہیداں دے خون کوں کڈاہیں وی نہ بھلسن ۔او بدھ کوں بلوچ رجمنٹ کانفرنس توں خطاب کریندے پے ہن ۔پاک فو ج دے شعبہ تعلقات عامہ(آئی ایس پی آر ) دے مطابق خصوصی ڈو ڈینھ دی بلوچ رجمنٹ کانفرنس ‘بلوچ رجمنٹ سینٹر ایبٹ آباد اچ منعقد تھی۔آرمی چیف جنرل قمر جاوید باجوہ بلوچ رجمنٹ کئی سالاں دی بہترین کارکردگی دی تعریف کیتی ۔ انہاں مادروطن دے دفاع اتے ملک کو ں مضبوط بنڑاونڑ سانگے پاک فوج دیاں قربانیاں کوں سرہیندے ہوئیں شہیداںدے خانداناں دی یقین دہانی کرائی جو شہیداں دے خون کوں کڈاہیں وی نہ بھلسن ۔آرمی چیف زور ڈتا جو پاک فوج دہشت گردی دے خاتمے سرحداں کوں مزید محفوظ بنڑاونڑ سانگے اپنڑیاں کوششاں جاری رکھیسی ۔انہاں قوم دی خدمت سانگے پاک فوج اچ ایمان ،پیشہ ورانہ مہارت ،تے ہمت دے اعلیٰ ترین معیار دا مطالبہ کیتا ۔بری فوج دے سربراہ قمر جاوید باجوہ بلوچ رجمنٹ اچ یادگار شہدا تے حاضری ڈتی تے پھلاں دی چادر چڑھائی مادر وطن دی حفاظت دے دوران شہید تھیونڑ آلیں کوں خراج تحسین پیش کیتا ۔کورکمانڈر راولپنڈی لیفٹیننٹ جنرل ندیم رضا ‘ بلوچ رجمنٹ دے ریٹائرڈ اتے حاضر سروس افسران بشمول سابق آرمی چیفس جنرل اسلم بیگ ‘جنرل اشفاق پرویز کیانی ‘سابق چیئرمین جوائنٹ چیفس آف سٹاف کمیٹی جنرل طارق مجید اتے جنرل راشد محمود وائیں وی ایں موقع تے موجودد ہن۔
