اسلام آباد ۔ 25 اگست (اے پی پی) چیئرمین سینٹ سینیٹر میاں رضا ربانی سپورٹس فیڈریشناں دا جائزہ گھننڑ سانگے خصوصی کمیٹی بنڑاونڑ دا اعلان کیتا ہے ۔ جمعے کوں ایوان بالا اچ سوالاںد ے وقفے دے دوران سینیٹر عتیق شیخ دے سوال دے جواب اچ وزیر بین الصوبائی رابطہ ڈاکٹر درشن ڈسایا جو لیئر لیگ جولائی 2017اچ لاہور مقابلے دا انعقاد کیتا ہئی جیں اچ پنج بین الاقوامی کھلاڑیاں حصہ گھدا، فٹ بال فیڈریشن دامعاملہ عدالت اچ ہے ایں سانگے پاکستان فٹ بال فیڈریشن غیر فعال ہے۔ خواجہ آصف آکھیا جو بدقسمتی نال کھیڈ تاں ترقی نی کریندے پے لیکن سپورٹس باڈیز دے لوک بہوں ترقی کریندے پے ہن ،این معاملے دی انکوائری تھیونڑیں چاہیدی ہے ۔چیئر مین ایندا نوٹس گھنن۔فیڈریشناں اچ طرح طرح دے قبضہ گروپ بیٹھے ہن ،کتھائیں سیاستدان بیٹھے ہن ،کتھائیں ریٹائرڈ بیو کریٹ تے فوجی فیڈریشناں اچ بیٹھے ہن ۔چیئر مین سینیٹ آکھیا جو او سپورٹس فیڈریشناں دا جائزہ گھننڑ سانگے ایوان اتے قائد حزب اختلاف دے مشورے نال خصوصی کمیٹی تشکیل ڈیسن ۔
