لاہور۔23 اگست (اے پی پی ) وفاقی وزارت قانون لاہور ہائیکورٹ دے سینئر ترین جج جسٹس شاہد حمید ڈار دا قائمقام چیف جسٹس لاہورہائیکورٹ دانوٹیفکیشن جاری کر ڈتا،چیف جسٹس سید منصور علی شاہ ساتھی ججاں دے نال 28 اگست توں باہرلے ملک روانہ تھیسن ،قائم مقائم چیف جسٹس شاید حمید ڈار 28اگست کو ں اپنڑے عہدے دا حلف چا گھنسن ،وفاقی وزارت قانون ولوں جسٹس شاہد حمید ڈار دا قائم مقام چیف جسٹس دانوٹیفیکیشن جاری کر ڈتا،جسٹس یاور علی قائم مقام چیف جسٹس توں انہاں دے عہدے دا حلف گھنسن ،حلف برداری دی تقریب لاہور ہائیکورٹ اچ تھیسی،لاہور ہائیکورٹ دے چیف جسٹس سید منصور علی شاہ دے نال جسٹس سیدمظاہر علی اکبر نقوی، جسٹس امیر بھٹی،جسٹس شجاعت علی خان ،جسٹس امین الدین خان ،جسٹس عبدالسمیع خان اور جسٹس صداقت علی خان وی ہنگری دورے تے روانہ تھی ویسن،چیف جسٹس اتے ساجتھی جج ہنگری اچ تھیونڑ آلی کانفرنس اچ شرکت کریسن ۔
