کشمیر دے مسئلے کوں حل کیتے بغیر جنوبی ایشیا بارے امریکی پالیسی نتیجہ خیز کائنی تھی سگدی ،لیفٹیننٹ جنرل (ر) عبدالقیوم

اسلام آباد ۔ 22 اگست (اے پی پی) سینیٹ دی قائمہ کمیٹی دفاعی پیداوار دے چیئر مین لیفٹیننٹ جنرل (ر) عبدالقیوم امریکی صدر ڈونلڈ ٹرمپ ولوں جاری کیتی گی پالیسی کوں مایوس کن قرار ڈیندے ہوئیں آکھیا ہے جو اے پالیسی ایں ویلھے تئیں نتیجہ خیز کائنی تھی سگدی جڈاں تئیں امریکہ اپنڑی جنوبی ایشیا ءدی پالیسی کوں مسئلہ کشمیر کوں شامل نی کریندا ۔مسئلہ کشمیر ایں ویلھے تئیں خطے دا فلیش پوائنٹ ہے ۔اتھاں انسانی حقوق دیاں سنگین خلاف ورزیاں تھیندیاں پیاں ہن ۔ منگل کو ںاے پی پی نال گالھ مہاڑ کریندے ہوئیں لیفٹیننٹ جنرل (ر) عبدالقیوم آکھیا جو اساں جنوبی ایشیادے حوالے نال امریکی پالیسی کو ںمایوس کن قرارڈے ڈتا ہے کیوں جو ایندے اندر حقائق کوں نظر اندا ز کیتا گیا ہے ۔