سی پیک پاک چین تعلقات کو ں مضبوط معاشی پارٹنرشپ اچ بدال ڈتا ،وفاقی وزیر داخلہ احسن اقبال دی بیجنگ اچ چیئرمین قومی ترقی تے اصلاحات مسٹر ہی لی فنگ نال ملاقات اچ اظہار خیال

بیجنگ ۔ 29 ستمبر (اے پی پی) وفاقی وزیر داخلہ احسن اقبال آکھیا ہے جو پاکستان دہشت گردی کوں ہراونڑ اچ کامیابی حاصل کیتی ہے ،حکومت دیاں کوششاں پاروں امن و امان دی صورت حال چنگی تھیندی پئی ہے ،سی پیک منصوبیں سانگے 15ہزار اہلکاراں تے مشتمل سیکورٹی فورس تیار کیتی گی ۔انہاں اے گالھ بیجنگ اچ چیئرمین قومی ترقی و اصلاحات ( این ڈی آر سی) مسٹر ہی لی فنگ نال ملاقات اچ آکھی۔ انہاں آکھیا جو سی پیک پاک چین تعلقات کوں مضبوط معاشی پارٹنرشپ اچ بدال ڈتا ہے ، سی پیک ڈوہیں ملکاں دے مفاد اچ ہے ،سی پیک علاقائی معیشت کوں ضم کرنڑ دا پلیٹ فارم مہیا کریندا ہے ،ایندے نال ارباں لوکاں دی زندگی اچ خوشحالی آﺅسی ،انہاں آکھیا جو سی پیک پاکستان کوں اپنڑی معیشت جدید خطوط تے استوار کرنڑ تے پاکستانی کوں چینی ترقی نال سکھنڑ دے موقع ڈیندا پیا ہے ۔پاکستان دہشت گردی کوں مکاونڑ سانگے بہوں ساریاں کامیابیاں حاصل کیتیاں ہن ،انہاں آکھیا جو حکومت دیاں کوششاں پاروں امن و امان دی صورت حال بہتر تھیندی پئی ہے ۔سی پیک منصوبیں دے 15ہزار اہلکاراں تے مشتمل سیکورٹی فورس بنڑائی گی ہے ۔سی پیک منصوبیں تے کم کرنڑ آلے چینی پاکستان دی تعمیر اچ مدد کریندے پن تے اسادے مہمان ہن ۔انہاں آکھیا جو سی پیک دے حوالے نا ل حکومتی پالیسی اچ تسلسل ہے ۔سی پیک دے مختلف منصوبیں تے جاری کم اطمینان بخش ہے ۔انہاں آکھیا جو امید ہے جو گوادر تے توانائی متعلق سانجھے ورکنگ گروپ دے اجلاس وختی تھیسن ۔ستواں جے سی سی اجلاس سی پیک دے حوالے نال بہوں اہم ہے ۔ستویں جے سی سی اچ سی پیک دے طویل مدتی پلان دی منظوری ڈتی ویسی ۔