زراعت اساڈی معیشت دا اہم شعبہ اے ، حکومت زراعت دی پائیدار ترقی تے توجہ مرکوز کیتا ہویا اے ، وزارت قومی غذائی تحفظ و تحقیق ملک اچ غذائی تحفظ کو ںیقینی بننڑوانڑ دے مناسب طریقے وضع کرنڑ دے پالیسی فریم ورک تے کم کرے، زرعی پالیسی دا محور چھوٹے کاشتکار ہوونڑے چاہیدن
اسلام آباد ۔ 5 ستمبر (اے پی پی) وزیراعظم شاہد خاقان عباسی آکھئے جو زراعت اساڈی معیشت داہم شعبہ اے، حکومت ایندی پائیدار ترقی تے توجہ ڈتے ہوئیا اے، وزارت قومی غذائی تحفظ تے تحقیق ملک اچ غذائی تحفظ کو ںیقینی بنڑاوننڑ دے مناسب طریقے وضع کرنڑ کیتے پالیسی فریم ورک تے کم کرے، اساڈی زرعی پالیسی دا محور چھوٹے کاشتکار ہوونڑے چاہیدے جو انھاں کوں ودھ توں ودھ سہولتاں ڈتیاں ونج سگن ۔ انھاں اے منگل کو ںوزیراعظم آفس اچ زرعی شعبہ بارے اچ ڈتی گئی بریفنگ دے دوران آکھی۔ وفاقی وزیر برائے قومی غذائی تحفظ و تحقیق سکندر حیات بوسن اتے وزارت دے سینئر حکام وزیراعظم کو ںزرعی شعبہ دی مجموعی صورتحال، وزارت دیاں کامیابیاں اتے زرعی شعبہ دے مسائل بارے آگاہ کیتا۔ وزیراعظم کو ں ڈسایا گیا اے ایں ویلے ملک دی جی ڈی پی اچ زرعی شعبہ دا حصہ 19.5 فیصد اے اتے تقریباً 42 فیصد افرادی قوت ایں شعبہ نال جڑے ہوئے ہن ، ملک اچ زراعت دا کل برآمدات اچ 57.5 فیصد حصہ اے اتے ایں شعبہ دی شرح نمو مالی سال 2016-17ءاچ 3.46 فیصد رہی۔ وزیراعظم وزارت کوں ہدایت کیتی جو صوبیاں کوں اختیارات ڈیونڑ توں پہلے دے ماحول دے مقابلہ اچ زرعی شعبہ اچ موجودہ کم سرمایہ کاری دے معاملہ کو ںمشترکہ مفادات کونسل دے سامنڑھے گھن آیا ونجے تاں جو صوبائی حکومتاں اتے وفاقی حکومت ولوں شعبہ کو ں وسیع تر وسائل مختص کیتی ونج سگن ۔