گورنر سندھ نال روس دے قونصل جنرل الیگزینڈر جی خوزن دی ملاقات

کراچی ۔ 26 ستمبر (اے پی پی) گورنر سندھ محمد زبیر نال روس دے قونصل جنرل الیگزینڈر جی خوزن گورنر ہاوس اچ ملاقات کیتی ۔ ملاقات ا چ پاک روس سانجھی تجارت،صوبہ اچ سرمایہ کاری دے مواقع ،دہشت گردی دے خلاف جنگ اچ پاکستان دے کردار اتے سانجھی دلچسپی دے بئے امور تے گالھ مہاڑ کیتی گی ۔ منگل دے ڈینھ جاری اعلامیہ دے مطابق ایں موقع تے گورنر سندھ آکھیا جو کراچی ملک دا معاشی و تجارتی حب ہے، امن و امان دے قیام دے بعد اتھاں سرمایہ کاری سانگے حالات بہوں چنگے ہن ۔روسی سرمایہ کار وی انہاں موقع توں فائدہ چاون ، پاک روس اقتصادی تعاون اچ مزید ودھار اوقت دی اہم ضرورت ہے۔انہاں آکھیا جو دہشت گردی دے خلاف جنگ اچ پاکستان بہوں قربانیاں ڈتیاں ہن جیں کوںبین الاقوامی سطح تے من گھننڑاں چاہیداہے ، امن و امان دی صورتحال اچ چنگائی دے بعد پاکستان سانگے ٹریول ایڈوائزری تے نظر ثانی دی ضرورت ہے۔