راولپنڈی۔ 8 ستمبر (اے پی پی)بری فوج دے سربراہ جنرل قمر جاوید باجوہ مزید4 خطرناک دہشت گرداں دی سزائے موت دی فیصلیں دی توثیق کر ڈتی ہے ‘اے خطرنا ک دہشت گرد مسلح افواج ‘ قانون نافذ کرنڑ آلے ادریں تے سیکورٹی فورسز تے حملے اچ براہ راست ملوث ہن جیں دے نتیجے اچ پاک فوج دے افسراں دے نینگراں سمیت 16 بندے شہید اتے 8 ازخمی تھے ہن، ہنڑ تئیں 23 سزا یافتہ دہشت گرداں کو ںفوجی عدالتاںولوں مختلف عرصیں اچ سزاواں ڈتیاں گیاں ۔پاک فوج دے شعبہ تعلقات عامہ(آئی ایس پی آر) دے مطابق ریاض حسین ولد گلرام خان دا کالعدم تنظیم نال تعلق ہئی ۔اے مسلح فوج اتے قانون نافذ کرنڑ آلے اداریں تے حملے اچ براہ راست ملوث ہئی جیں دے نتیجے اچ 8افسر، فوجی جوان اتے5 پولیس اہلکار شہیدتھے ۔اے دہشت گرد پرائمری سکول کو ںتباہ کرنڑ اچ وی ملوث ہئی ۔مجسٹریٹ دے سامنڑے اعتراف جرم کرنڑ تے فوجی عدالت اینکوں موت دی سزا سنڑائی ہئی ۔حفیظ الرحمان ولد حبیب الرحمان دا تعلق کالعدم تنظیم توں ہئی ۔ایں ترائے عام شہریاں کوں قتل کیتا ۔مجسٹریٹ دے سامنڑے اعتراف جرم تے فوجی عدالت اینکوں موت دی سزا سنڑائی ہئی ۔محمد سلیم ولد مسلم خان دا تعلق کالعدم تنظیم توں ہئی ۔اے مسلح فوج اتے قانون نافذ کرنڑ آلے ادایں تے حملے اچ ملوث ہئی جیں دے نتیجے اچ چار فوجی جوان شہید تھے بہوں سارے زخمی گھے ہن ۔مجسٹریٹ دے سامنڑے جرم من گھننڑ تے اینکوں فوجی عدالت موت دی سزا سنڑائی ہئی ۔کفایت اللہ ولد دل ریش دا تعلق کالعدم تنظیم توں ہئی ۔اے مسلح فوج تے حملے اچ ملوث ہئی جیں دے نتیجے اچ پاک فوج دا جوان شہید تھے ڈو بندے زخمی تھے ہن ۔مجسٹریٹ دے سامنڑے اعتراف جرم تے اینکوں موت دی سزا سنڑائی ہئی ۔
