اسلام آباد ۔ 12 ستمبر (اے پی پی) ملک دے اتلے علاقیں اچ آندے ڈو ڈینھ دے دوران تکھی ہوا تے کھمنڑ نال مینھ وسنڑ دا امکان ہے ۔محکمہ موسمیات دے مطابق آندے 24گھنٹے دے دوران ملک دے ودھ سارے علاقیں اچ موسم رکھا رہ ویسی تاں جو سرگودھا، ملتان، ڈی جی خان ڈویژن، خیبر پختونخوا، فاٹا، کشمیر تے گلگت بلتستان اچ کجھ جہیں تے تکھی ہوا تے کھمنڑ نال مینھ وسنڑ دا امکان ہے ۔ ایں طرح آندے 48گھنٹے دے دوران بنوں، ڈی آئی خان، ملتان، ڈی جی خان، بہاولپور، ژوب، قلات ڈویژن تے فاٹا اچ کہیں کہیں جاہ تے جڈاں جو پنجاب ، مالاکنڈ، ہزارہ، پشاور، کوہاٹ، مردان ڈویژن، اسلام آباد، کشمیر اتے گلگت بلتستان اچ کجھ جہیں تے تکھی ہوا تے کھمنڑ نال مینھ وسنڑ دا امکان ہے۔گزریل 24 گھنٹے دے دوران ملک دے ودھ سارے علاقیں اچ موسم گرم تے رکھا رہ ویسی ۔
