اسلام آباد۔ 11 ستمبر (اے پی پی)محکمہ موسمیات آکھیا ہے جو آندے 24گھنٹے دے دوران اسلام آباد ، راولپنڈی سمیت اتلے پنجاب،خیبر پختونخوا،اتلے فاٹا ، کشمیر اتے گلگت بلتستان اچ کجھ جہیں تے تکھی ہوا تے کھمنڑ نال مینھ وسنڑ دا امکان ہے جڈاں جو ملک دے بئے علاقیں اچ موسم رکھا رہ ویسی ۔ گزریل 24گھنٹے دے دوران سلام آباد، راولپنڈی سمیت ساہیوال، چکوال، سرگودھا، لاہور ڈویژن ، خیبر پختونخوا مالاکنڈ، ہزارہ ڈویژن ،فاٹا،کشمیر، گلگت بلتستان اچ کہیں کہیں جاہ تے تکھی ہوا تے کھمنڑ نال مینھ وسیا ۔ساریں توں ودھ مینھ اسلام آباد اچ زیروپوائنٹ تے43، خیبر پختونخوا اچ دیر دی جاہ تے 29، کوہاٹ اچ 26، بالاکوٹ اچ22، ملی میٹر ریکارڈ کیتا گیا۔
