آندے 48گھنٹے دے دوران ملک دے ودھ سارے علاقیں اچ موسم رکھا رہ ویسی ،محکمہ موسمیات

اسلام آباد ۔ 6 ستمبر (اے پی پی) راولپنڈی اسلام آباد سمیت ملک دے مختلف شہراں اچ کہیں کہیں جاہ تے کھمنڑ نال مینھ وسنڑ دا امکان ہے ،بہوں سارے ملک دے علاقیں اچ موسم گرم تے رکھا رہ ویسی ،محکمہ موسمیات دے مطابق آندے 48گھنٹے دے دوران دوران خیبر پختونخوا،اتلے پنجاب( راولپنڈی، گوجرانوالہ، سرگودھا، لاہور، فیصل آباد ڈویژن)، اسلام آباد، فاٹا، گلگت بلتستان تے کشمیر اچ کہیں کہیں جڈاں جو ڈی جی خان، ملتان، ژوب اتے ساہیوال ڈویژن اچ کجھ جہیں تے اندھاری تے کھمنڑ نال مینھ وسنڑ دا امکان ہے ۔ملک دے بئے علاقیں اچ موسم گرم تے رکھا رہ ویسی ۔ گزریل 24 گھنٹے دے دوران ہزارہ، بنوں، کوہاٹ،سرگودھا ، فاٹا اتے گلگت بلتستان اچ کجھ جہیں تے تکھی ہوا تے کھمنڑ نال مینھ وسیا ۔ ساریں توں ودھ مینھ خیبر پختونخوااچ کوہاٹ دی جاہ تے 35 ملی میٹر مینھ وسیا ، ایندے علاوہ بنوں 28، بالاکوٹ 15، مالم جبہ، پارہ چنار 09، سیدو شریف، چراٹ 02 اتے کاکول 01 جڈاں جو پنجاب اچ جوہرآباد 04، کامرہ اتے بھکراچ 01 ملی مینھ ریکارڈ کیتا گیا ۔