امریکا مربوط توانائی دے معاہدے کوں عملی جامہ پواونڑ دی پاکستان دیودھ ساری معاونت کریسی، ڈیوڈ ہیل
اسلام آباد ۔ 18 ستمبر (اے پی پی) ڈپٹی چیئرمین منصوبہ بندی کمیشن سرتاج عزیز نال پاکستان اچ تعینات امریکی سفیر ڈیوڈ ہیل اتے توانائی دے شعبے نال تعلق رکھنڑ آلے ماہرین سنوار کوں اتھاں ملاقات کیتی ۔ ملاقات اچ پاکستان اتے امریکا وچال پاکستان سانگے مربوط توانائی دے امریکا اتے پاکستان وچال تعاون تے تبادلہ خیال کیتا گیا ۔ایں موقع تے ڈپٹی چیئرمین منصوبہ بندی کمیشن سرتاج عزیز آکھیا جو امریکہ تے پاکستان وچال مربوط توانائی دے معاہدے نال توانائی دے شعبے اچ پاکستان دی صلاحیت تے استعداد کار اچ ودھارا تھیسی ۔انہاں آکھیا جو حکومت ملک اچ توانائی دے شعبے اچ خود کفالت تے درپیش چیلنج نال عہدہ بر تھیونڑ سانگے غیر ملکی سرمایہ کاری تے ایندے طریقہ کار اچ آسانیاں سانگے چنگے اقدامات کریندی پئی ہے ۔ایں موقع تے امریکی سفیر ولوں پاکستان اچ توانائی دے شعبے اچ کیتے ونجنڑ آلے اقدامات دی تعریف کیتی گی ۔انہاں آکھیا جو امریکہ مربوط توانائی دے معاہدے کوں عملی جامہ پواونڑ سانگے پاکستان دی ودھ ساری معاونت کریسی ۔
