نیویارک ۔ 21 ستمبر (اے پی پی) وزیراعظم شاہد خاقان عباسی آکھیا ہے جو نیویارک اچ امریکی صدر ڈونلڈ ٹرمپ نال انہاں دی مختصر ملاقات مثبت رہی۔ میڈیا رپورٹس دے مطابق اقوام متحدہ دی جنرل اسمبلی دے 72 ویں اجلاس دے موقع تے امریکی صدر ڈونلڈ ٹرمپ ولوںعالمی رہنماواں دے اعزاز اچ ناشتے دا اہتمام کیتا گیا۔ پاک امریکا بزنس کونسل ولوںبدھ کوںناشتے دا اہتمام کیتا گیا۔ ایں موقع تے وزیر اعظم شاہد خاقان عباسی گالھ مہاڑ کریندے ہوئیں ڈسایا جو انہاں دی امریکی صدر ڈونلڈ ٹرمپ نال ملاقات تھی ہے ۔اے ملاقات بہوں مثبت رہی ۔امریکی نائب صدر مائیک پینس وزیراعظم شاہد خاقان عباسی دی 45منٹ دی طویل ملاقات دے بعد امریکی صدر ڈونلڈ ٹرمپ نال وزیراعظم شاہد خاقان عباسی ملاقات کیتی ۔وزیراعظم آکھیا جو امریکی صدر ڈونلڈ ٹرمپ نال ملاقات دے دوران ڈسایا جو پاکستان ہر قسم دی دہشت گردی دے خلاف پر عزم ہے ۔ڈوجھے پاسوں وائٹ ہاﺅس توں جاری بیان اچ آکھیا گیا ہے جو امریکی نائب صدر مائیک پنس تے وزیراعظم پاکستان شاہد خاقان عباسی وچال تھیونڑ آلی ملاقات اچ بہوں اہم امور تے گالھ مہاڑ کیتی گی جیں اچ امریکی صدر ولوں جنوبی ایشیا بارے پالیسی تے خطے دی صورت حال شامل ہے ۔
