اسلام آباد ۔ 20ستمبر (اے پی پی) پاکستان واضح کیتا ہے جو کشمیر‘ فلسطین سمیت دنیا اچ ہر جاہ تے مسلماناں تے تھیونڑ آلے ظلم قابل مذمت ہن، روہنگیا دے نہتے مسلماناں تے ظلم دا سلسلہ بند تھیونڑاں چاہیدی ہے ‘ عالمی میڈیا کوں انہاں دے علاقیں تے رسائی ڈتی ونجے ، او آئی سی کو ںروہنگیا مسلماناں دی مدد کرنڑیں چاہیدی ہے ، میانمر دی حکومت انہاں دے ظلم دا سد باب کرے ۔ بدھ کوں قومی اسمبلی اچ وزارت خارجہ ولوں روہنگیا اچ انسانی حقوق دیاں سنگین خلاف ورزیاں تے وزارت خارجہ دے موقف بارے ڈسیندے ہوئیں وفاقی وزیر قانون زاہد حامد آکھیا جوارکان بحث دے دوران چنگی تجویز ڈتی ہے ۔ چوہدری نثار علی خان اہم تجاویز ڈتیاں ہن ۔ فنڈ دے قیام دے حوالے نال وزیراعظم نال گالھ کرن۔ انہاں دفتر خارجہ ولوں بیان پڑھ تے سنڑایا جو روہنگیا دے مسلماناں تے ظلم عالمی برادری سانگے چیلنج دی حیثیت رکھیندا ہے ۔ پاکستان کشمیر‘ فلسطین سمیت دنیا اچ ہر جاہ تے مسلماناں تے ظلم دی مذمت کیتی ہے ۔
