ایران دے صدر ڈاکٹرحسن روحانی دا اقوام متحدہ دی جنرل اسمبلی دے 72ویں اجلاس توں خطاب

Iranian President Hassan Rouhani attends a news conference in Tehran, Iran, Sunday, Jan. 17, 2016. The implementation of a historic nuclear deal with world powers is expected to pave the way for a new economic reality in Iran, now freed from harsh international sanctions. On Sunday Rouhani presented parliament with a draft budget that plans for an economic windfall even as it reduces reliance on oil revenues. (AP Photo/Ebrahim Noroozi)

امریکی حکومت عالمی معاہدیں دی خلاف ورزی کرتے صرف اپنڑی ساکھ کوں متاثر کریسی ،ایٹمی معاہدہ ترٹ ونجنڑ دی صورت اچ ایران کوں کوئی ضیان کائناں تھیسی
نیویارک ۔ 20 ستمبر (اے پی پی) اسلامی جمہوریہ ایران دے صدر ڈاکٹر حسن روحانی آکھیا ہے جو ایران ایٹمی معاہدے کوں تروڑ ڈیونڑ اچ کوئی پہل کائناں کریسی ،ڈوجھے فریق ولوں ایندی خلاف ورزی دا پکا تے مستحکم جواب ڈیسی۔امریکی حکومت عالمی معاہدیں دی خلاف ورزی کرتے صرف اپنڑی ساکھ کوں متاثر کریسی ،ایٹمی معاہدہ ترٹ ونجنڑ دی صورت اچ ایران کوں کوئی ضیان کائناں تھیسی ۔بدھ کوں نیویارک اچ اقوام متحدہ دی جنرل اسمبلی دے بہترویں اجلاس توں خطاب کریندے ہوئیں ایران دے صدر ڈاکٹرحسن روحانی آکھیا جو اگر جامع ایٹمی معاہدہ ،میدان سیاست دے نا اہلاں دے ہتھوں سبوتاز تھیندا ہے تاں اے بہوں افسوناک ہوسی لیکن ایندے نال ایران دی ترقی تے پیشرفت دا عمل ہرگز متاثر کائناں تھیسی ۔حسن روحانی ڈو ٹوک الفاظ اچ آکھیا جو امریکی حکومت معاہدے دی خلاف ورزی کرتے صرف اپنڑی ساکھ متاثر کریسی ۔مذاکرات تے معاہدے دے حوالے نال دنیا دیاں سیاریاں قوماں تے حکومتاں دا امریکہ تے اعتماد ختم تھی ویسی ۔صدر حسن روحانی ہک واری ولا تہران دے ایں موقف دا اعادہ کیتا ہے جو جامع ایٹمی معاہدہ ڈو سال دے مذاکرات دے نتیجے اچ انجام پاتا ۔اقوام متحدہ دی سلامتی کونسل تے عالمی برادری سلامتی کونسل دی قراداد باوی تریوی دے ذریعے ایندی حمایت کیتی ہے ۔انہاں آکھیا جو جامع ایٹمی معاہدہ صر ف ہک یا ڈو ملکاں نال تعلق کائنی رکھیندا بلکہ اے سلامتی کونسل دی ہک دستاویز ہے ایندا تعلق پوری عالمی برادری توں ہے ۔صدر حسن روحانی ایران دی دفاعی طاقت تے توانائیاں دا ذکر کریندے ہوئیںآکھیا ہے جو ایران دا میزائل پروگرام صرف تے صرف دفاعی نوعیت دا ہے ایں مقصد سانگے خطے دے امن تے استحکام کوں محفوظ رکھنڑاں ہے ۔علاقائی بحراناں دا ذکر کریندے ہوئیں انہاں آکھیا جو اساڈے خطے اچ باہرلیاں طاقتاں دی مداخلت دے نتیجے اچ عدم استحکام پیدا تھیا ہے ۔انہاں آکھیا جو اے کائنی تھی سگدا جو فلسطین دے عوام ہک شرپسند اتے نسل پرست حکومت دے ہتھوں کمترین انسانی حقوق توں محروم ہوون ایندی سرزمین تے غاصبانہ قبضے کرنڑ آلے محفوظ رہن ۔صدر آکھیا جو اے کیویں ممکن ہے جو یمن، شام، عراق ، بحرین ، افغانستان ، میانمار اتے بہوں سارے علاقیں دے عوام غربت، جنگ اتے جھڑپاں دے عالم اچ زندگی گزارن تے کجھ لوک اے سمجھدے رہن جو اپنڑے ملکاں اچ امن تے سلامتی تے ترقی گھن آون ۔صدر حسن روحانی آکھیا جو اساں اپنڑی تہذیب ، ثقافت ، مذہب اتے انقلاب، لوکاں دے دلاں اچ داخل کرنڑ چاہندے ہن تے عقل تے منطق نال گالھ کریندے ہن ۔