اسلام آباد ۔ 5 ستمبر (اے پی پی) وزیر مذہبی امور سردار محمد یوسف آکھیا ہے جو ایں سال حج دا اپریشن کامیاب رہیا ۔ریڈیو پاکستان نال گالھ مہاڑ کریندے ہوئیں وزیر مذہبی امور سردار محمد یوسف ڈسایا جو اجوکے سال حج اپریشن ہر طرح نال کامیاب رہیا ۔حاجیاں سانگے نقل و حرکت ،رہائش تے کھاونر دے حوالے نال حکومت ولوں کیتیاں گیاںساریاں کوششاں اطمینان بخش رہیاں ۔انہاں آکھیا جو حج 2017دے اپریشن دی کامیابی دا سہرا سعودی حکومت دے سر تے ہے جیں دے ودھ سارے تعاون نال اے اپریشن کامیاب تھیا ۔انہاں آکھیا جو حج ایڈوائزی کمیٹی کوں وصول تھیونڑ آلیاں شکایتاں دے بعد 58 ہزار حاجی جنہاں کوں ٹرین دا ٹکٹ کائنی ملیا انہاں بساں اچ سفر کیتا تے انہاں کوں 250سعودی ریال واپس کیتے ویسن ۔انہاں آکھیا جو حاجیاں کوں اے رقم انہاں دے وطن واپس پجنڑ توں پہلے ادا کر ڈتی ویسی ۔
