اسلام آباد ۔ 13ستمبر (اے پی پی) وزیر مملکت انسانی حقوق ممتاز احمد تارڑ آکھیا ہے جوبرما دے مسلماناں دے نال بربریت دا سلوک کیتا ویندا پیا ہے ایندی جتنی وی مذمت کیتی ونجے او گھٹ ہے جیرھا ظلم کیتا ویندا پیا ہے او المناک مناظر ہن ،۔انہاں یوم انسانی حقوق 10دسمبر کوں بھر پور ااندا اچ منیسوں ۔بدھ کوں قومی اسمبلی اچ سوالاں دے وقفے دے دوران شیخ صلاح الدین دے سوال دے جواب اچ وزیر انسانی حقوق ممتاز احمد تارڑ آکھیا جو انسانی حقوق سانگے وزارت آگاہی مہم شروع کر ڈتی ہے جیں دی منظوری وزیراعظم ڈتی ہے ۔2016-17اچ 65سیمینار تعلیمی اداریں اچ منعقد کرائے ۔انسانی حقوق دی خلاف ورزی تے سارے ملک اچ مفت قانونی رہنمائی سانگے مفت ہیلپ لائن 1099دا آغاز کر ڈتا گیا ہے ۔
