برما دے مسلماناں نال یکجہتی قومی فرض ہے ،احتاجی ریلی کوں پر امن ہوونڑاں چاہیدا ہے ،وزیر داخلہ احسن اقبال

اسلام آباد ۔ 8 ستمبر (اے پی پی) وزیر داخلہ احسن اقبال آکھیا ہے جو برما دے مسلماناں نال یکجہتی قومی فرض ہے لیکن احتجاجی ریلی کوں پر امن ہوونڑاں چاہیدا ہے ۔وزارت داخلہ ولوں جاری بیان دے مطابق وزیر داخلہ آکھیا ہے جو ریڈ زون دا احترام کیتا ونجے ،ریڈ زون اچ ہنگامہ آرائی دا ضیان پاکستان دے بین الاقوامی امیج کوں پجدا ہے ۔انہاں آکھیا جو سفارتی انکلیو دی حفاظت اساڈا قومی فرض ہے ۔وزیر داخلہ احسن اقبال آکھیا جو یکجہتی دی ویلی پر تشدد بنڑاونڑ دا برما دے مسلماناں کوں فائدہ کائناں الٹا ضیان تھیسی ۔