ترجمان دفتر خارجہ نفیس ذکریادا ہفتہ وار پریس بریفنگ توں خطاب

اسلام آباد۔ 14 ستمبر (اے پی پی) ایمنسٹی انٹر نیشنل آپنڑی اجوکی رپورٹ اچ نہتے کشمیریاں تے قابض بھارتی فوج ولوں پیلٹ گنز دے استعمال تے پابندی دا مطالبہ کیتے۔ترجمان دفتر خارجہ خمیس کوں ہفتہ وار پریس بریفنگ وچال آکھیا جو بھارتی قابض فوج بے گناہ کشمیریاں دے خلا ف مسلسل جرائم دا ارتکاب کریندی پئی اے۔انہاں آکھیا جو ایمنسٹی انٹرنیشنل پیلٹ گنز دے استعمال تے پابندی دا مطالبہ کیتے جئیں نال بالاں اتے طالب علماں سمیت کئی کشمیری بینائی توں محروم تھی گئن ۔آپنڑی 112صفحیاں دی رپورٹ اچ ایمنسٹی انٹرنیشل آکھیاجو ہتھیاں دے اثرات آونڑ آلے کئی سالاں تئیںمحسوس کیتے ویسن۔ترجمان آکھیا جو وزیر خارجہ خواجہ آصف حال اچ ای چین ،ایران اتے ترکی دے کامیاب دورے کیتن اتے پاکستان علاقائی سیاست اتے سلامتی ایشوز تے آپنڑاں موقف بھرپور انداز اچ پجائے۔