ججاں دی تقرری سانگے متعلقہ ہائی کورٹ دے چیف جسٹس ولوںناں جوڈیشل کمیشن اچ آندا ہے‘ وفاقی وزیر قانون زاہد حامد دا قومی اسمبلی اچ سوالاں دے وقفے دے دوران جواب

اسلام آباد ۔ 13ستمبر (اے پی پی) وفاقی وزیر قانون زاہد حامدآکھیا ہے جو ججاں دی تقرری سانگے متعلقہ ہائی کورٹ دے چیف جسٹس ولوںناں جوڈیشل کمیشن اچ آندا ہے۔تریمت جج یا فاٹا توں ججاں دی تقرری سانگے کوئی مخصوص کوٹہ کائنی ۔ بدھ کوں قومی اسمبلی اچ وقفہ سوالات دے دوران نعیمہ کشور خان دے سوال تے وفاقی وزیر قانون زاہد حامدآکھیا جو 175اے دے تحت جج دی تقرری متعلقہ چیف جسٹس ہائیکورٹ توں آندی ہے ایندے بعد جوڈیشل کمیشن اچ معاملہ آندا ہے۔ ضمنی سوال تے انہاں آکھیا جو ججاں سانگے کوٹہ مخصوص کائنی لیکن خاہش ہے جو اعلیٰ عدلیہ اچ تریمتاں دی نمائندگی ہوونڑیں چاہیدی ہے ۔کشور جمال دے ضمنی سوال دے جواب اچ انہاں آکھیا جو ایں طرح فاٹا سانگے وی خصوصی کوٹہ کائنی ۔