اسلام آباد ۔ 6 ستمبر (اے پی پی) حج دے بعد حاجیاں کوں وطن واپس گھن آونڑ سانگے حج فلائٹ اپریشن شروع تھی گیا ہے جیرھا جو 5اکتوبر تئیں جاری رہ ویسی ۔ وزارت مذہبی اموردے مطابق حج فلائٹ اپریشن اچ قومی ایئر لائن پی آئی اے، سعودی ایئر لائن، شاہین ایئر انٹرنیشنل اتے ایئر بلو حصہ گھنسن ۔ بدھ 6 ستمبر کوں 9 حج پروازاں دے ذریعے 1945 حاجیاں کوں وطن واپس پجا ڈتا گیا ہے۔ اے پروازاں لاہور، کراچی، پشاور، کوئٹہ، سکھر، فیصل آباد، ملتان اتے اسلام آباد پج گیاں ہن۔ ایں طرح ملک سارے ملک اچ حج پروازاں دا سلسلہ 5 اکتوبر تئیں جاری رہ ویسی تے سرکاری اتے پرائیویٹ سکیماں دے تحت مجموعی طور تے اجوکے سال حج کرنڑ آلے ہک لکھ 79 ہزار توں ودھ حاجیاں کوں وطن واپس پجایا ویسی۔
