اسلام آباد ۔ 14ستمبر (اے پی پی) قومی اسمبلی کوں ڈسایا گیا جو حکومت ملک اچ زرعی ترقی سانگے ٹھو س اقدامات کریندی پئی ہے ،وزیراعظم پیکیج دے تحت کھاداں تے سبسڈی دے علاوہ چاول تے کپاہ دے کاشتکاراں سانگے فی ایکڑ 5ہزارروپے دی سبسڈی وی ڈتی گی ہے ۔خمیس کوں قومی اسمبلی اچ سوالاں دے وقفے دے دوران ثریا جتوئی دے سوال دے جواب اچ وفاقی وزیر میاں ریاض حسین پیرزادہ آکھیا جومالی سال 2013-14اچ وی کھاداں تے 14ارب روپے دی سبسڈی دا اعلان کیتا گیا لیکن کہیں نظام دی عد م موجودگی دی وجہ توں سبسڈی تے عملی جامہ کائنی پوایا گیا ۔مالی سال 2015-16اچ کسان پیکیج اچ فاسفورس کھاداں تے 20ارب روپے دی سبسڈی ڈتی گی ۔ایں پیکیج تے پنجاب عمل در آمد کیتا ۔مالی سال 2016-17اچ 27.96ارب روپے دی زرعی اعانت ،ڈی اے پی تے یوریا دے فرٹیلائزہ سانگے مختص کیتی گی ۔
