اسلام آباد ۔ 19 ستمبر (اے پی پی) صدر مملکت ممنون حسین آکھیا ہے جو راولپنڈی اچ آئی ٹی یونیورسٹی دے قیام نال سماجی اتے اقتصادی ترقی دا عمل تکھا تھیسی تے تعلیم دے ہر شعبے اچ مزید غیر ملکی سرمایہ کاری دا خوش دلی نال خیر مقدم کیتا ویسی ۔اے گالھ انہاں غیر ملکی سرمایہ کاراں دے وفدنال گالھ مہاڑ کریندے ہوئیں آکھی جنہاں منگل کوں سینیٹر کامران مائیکل دی قیادت اچ انہاں نال ایوان صدر اچ ملاقات کیتی ۔وفد اچ غیر ملکی ملٹی نیشنل کمپنیاں دے سربراہان شامل ہن۔ صدر ممنون حسین آکھیا جو تعلیم انسانی صلاحیت اچ ودھارے دا ذریعہ ہے تے موجودہ حکومت سماجی تے اقتصادی شعبے اچ ترقی سانگے بہوں محنت کریندی پئی ہے ۔انہاں وفد کوں ڈسایا جو حکومت ملک اچ اعلیٰ تعلیم دے ودھارے سانگے مختلف منصوبیں تے کم کریندی پئی ہے جیں اچ وزیراعظم لیپ ٹاپ سکیم تے وزیراعظم فیس واپسی پروگرام جیہوجے منصوبے شامل ہن ۔صدر مملکت آکھیا جو ملک دی معاشی تے اقتصادی ترقی اچ یونیورسٹیاں دا اہم کردار ہے ۔صدر مملکت آکھیا جو ملک اچ دہشت گردی تے قابو پا گھدا گیا ہے ،سرمایہ کاری سانگے ہنڑ بہترین ماحول ہے ۔صدر مملکت پاکستانی طالباں کوں سکالر شپ ڈیونڑ دا خیر مقدم کریندے ہوئیں آکھیا جو حکومت تعلیم اچ رفاحی سرگرمیاں دے ودھارے سانگے تعاون کریندی رہ ویسی ۔انہاں آکھیا جو پاکستان ونٹر اولمپکس اچ ضرور حصہ گھنسی ۔
