اسلام آباد ۔ 15 ستمبر (اے پی پی) سعودی عرب دے سفیر نواف سعید المالکی سپیکر قومی سردار ایاز صادق نال ملاقات کیتی۔ملاقات اچ ڈوطرفہ تعلقات اتے سانجھی دلچسپی دے امور تے گالھ مہاڑ کیتی گی ۔ جمعے کوں قومی اسمبلی سیکر ٹریٹ توں جاری پریس ریلیز دے مطابق ملاقات دے دوران سپیکر آکھیا جو پاکستان اپنڑے دوست ملک دے نال مزید چنگے تعلقات چاہندے ۔مسلم امت دے مسلیں دے حل سانگے امت مسلمہ کوں ہک مٹھ تھیونڑ دی ضرورت ہے ۔ سپیکر قومی اسمبلی آکھیا جو دنیااچ مسلم قوماں کوں ودھ سارے مسلیں دا سامنڑاں ہے جیں دے حل سانگے ساری امت مسلمہ کوں اپنڑاں کردار ادا کرنڑاں چاہیدای ہے ۔ایں موقع تے سعودی سفیر آکھیا جو سعودی حکومت تے عوام پاکستان دے نال اپنڑے تعلقات کوں قدر دی نگاہ نال ڈیکھدے ہن ۔
