اسلام آباد ۔ 6 ستمبر (اے پی پی) سپیکر قومی اسمبلی سردار ایاز صادق چیئرپرسن بے نظیر انکم سپورٹ پر وگرام رکن قومی اسمبلی ماروی میمن کوں برطانیہ اچ اعلیٰ سپیکرز ڈیموکریسی ایوراڈ حاصل کرنڑ تے مبارخ ڈتی ہے ، انہاں کوں اے ایوارڈ برطانیہ دے دارالعوام دے سپیکر برکاﺅ جون ڈتا۔ اپنڑے تہنیتی پیغام اچ انہاں آکھیا جو اگر ایوار ڈ دی روح کوں ڈٹھا ونجے تاں ماروی میمن اے ایوارڈ حاصل کرنڑ دی حقیقی حق دار ہن۔ انہاں آکھیا جو ماروی میمن بے نظیر انکم سپورٹ پروگرام دے ذریعے ملک دی غریب خواتین کو ںسماجی طور تے تبدیل کرنڑ تے انہاں کوں بااختیار بنڑاونڑ اچ غیر معمولی تے ودھ ساری محنت کیتی ۔انہاں آکھیا جو اے اعزاز ماروی میمن د اانفرادی طور تے کائنی بلکہ اے پوری قومی اسمبلی سانگے ہک فخر دا مقام رکھینداہے ۔
