اسلام آباد ۔ 30 ستمبر (اے پی پی) داخلہ، پلاننگ ا تے ترقی دے وفاقی وزیر احسن اقبال آکھیا جو سی پیک پاک چین دوستی کوں مضبوط اقتصادی شراکت داری اچ بدل ڈتے،ریڈیو پاکستان نال خصوصی گالھ مہاڑ کریندیں ہوئیں انہاں آکھیا جو پاک چین اقتصادی راہداری منصوبہ پاکستان کوں آپنڑی معیشت کوں جدید بنڑاونڑ اچ مدد ڈیندا پئے ۔انہاں آکھیا جو ایں منصوبے دے تحت پاکستان کوں چین دے ترقیاتی تجربیاں توں سکھنڑ دا موقع ملدا پئے ۔انہاں آکھیا جو سکیورٹی فورس سی پیک منصوبیاں دے تکمیلی مراحل وچال سکیورٹی ڈیونڑ سانگے 15سو اہلکار تعینات کر رکھین ۔
