صدر مملکت دے دورہ پاکستان تے ترکمانستان دے تعلقات کوں مستحکم کرنڑ اچ مدد مل ویسی ،دفتر خارجہ

اسلام آباد ۔20 ستمبر (اے پی پی) صدر مملکت ممنون حسین دے اجوکے دورہ ترکمانستان نال ڈوہیں ملکاں وچال سانجھے تے علاقائی تعلقات کوں مزید مستحکم کرنڑ اچ مدد مل ویسی ۔دفتر خارجہ ولو ں جاری بیان اچ آکھیا گیا ہے جو پاکستان تے ترکمانستان دے سانجھے تعلقات مضبوط پائیدار بنیاداں تے قائم ہن تے اے تعلقات مختلف شعبے اچ وڈی تکھے مضبوط تھیندے پے ہن ۔صدر مملکت ممنون حسین ترکمانستان دے ہم منصب دی دعوت تے اشک آباد دا دورہ کیتا تے اتھاں 16توں 18ستمبر دے دوران منعقد تھیونڑ آلی ایشن انڈور اینڈ مارشل گیمز دی افتتاحی تقریب اچ شرکت کیتی ۔ پاکستان دے 130 رکنی دستے 9 مختلف کھیڈاں اچ شرکت کیتی ۔ایں موقع تے صدر مملکت ممنون حسین ترکمانستان دے صدر ایمان علی رحمانوف نال ملاقات کیتی تے سانجھی دلچسپی دے امور تے گالھ مہاڑ تھی ۔پاکستان تے ترکمانستان تاپی گیس پائپ لائن منصوبے اچ پیش رفت تے وی کم کریندے پن جیں نال پاکستان دی توانائی دی ضرورتاں کوں پورا کرنڑ اچ ودھ ساری مدد مل ویسی ۔