آستانہ ۔ 10 ستمبر (اے پی پی) صدر مملکت ممنون حسین آکھیا ہے جو اسلامی دنیا کوں اپنڑے جائزہ مقام دے حصول تے ترقی تے خوش حالی سانگے ہر شعبے اچ خود کفالت حاصل کرنڑیں چاہیدی ہے ۔اے گالھ صدر مملکت ممنون حسین سائنس تے ٹیکنالوجی اچ ترقی تے تخلیقی انداز اچ فکر تے پہلی اسلامی کانفرنس توں خطاب کریندے ہوئیں آکھی۔کانفرنس اچ اسلامی دنیا دے سربراہیں تے مفکرین شرکت کیتی ۔صدر مملکت آکھیا جو اج کیتے گے فیصلے نال مسلم دنیا اچ علم تے حکمت دے شعبے اچ نہ صرف مزید پیش رفت تھیسی بلکہ مسلماناں دی عظمت رفتہ دی بحالی اچ مدد مل ویسی ۔انہاں آکھیا جو اے امر افسوسناک ہے جو مسلم دنیا اچ تعلیم تے تحقیق دے شعبے اچ ہم عصر دنیا توں پچھوں رہ گی ہے جیں دا اندازہ ایجادات دے اعداد شمار نال تھیندا ہے ۔ایں سانگے ضروری ہے جو اسلامی ملکاں سائنس تے ٹیکنالوجی کوں اپنڑی ترجیح اچ شامل کرے ۔انہاں مزید آکھیا جو سائنس تے ٹیکنالوجی دے شعبے اچ ترقی دے بغیر عام آدمی دا معیار زندگی چنگاں کائنی کیتا ونج سگدا ۔صدر مملکت آکھای جو جدید دنیا اسلامی معاشرے نال نویں چیلنج دا شکار تھے ہن جیں نال نبڑنڑ سانگے طبعی تے عمرانی علوم ڈوہیں اچ تحقیق ضروری ہے ۔انہاں آکھیا جو ایں امر کوں سامنڑے رکھیندے ہوئیں اسلامی تعاون تنظیم دی کمیٹی قائم کیتی گی جیں قابل قدر خدمات سر انجام ڈتیاں ۔صدر مملکت آکھیا جو معاشی ترقی دے باجوود انسانیت مسیحا دا انتظار کریندی پئی ہے جیرھی جو انہاں دے زخمیاں تے مرحم رکھے انہاں آکھیا جو اے عظیم کارنامہ ترقی دے سفر کوں اخلاقی اقدار دے تابع رکھ تے ہی سر انجام ڈتا ونج سگدا ہے ۔
