عالمی برادری مسئلہ کشمیر دے حل اچ موثر کردار ادا کرے ، ڈاکٹر ملیحہ لودھی

اقوام متحدہ۔ 8 ستمبر (اے پی پی)اقوام متحدہ اچ پاکستانی سفیر ڈاکٹر ملیحہ لودھی عالمی برادری تے زور ڈتا ہے جو کشمیر دے مسئلے دے حل اچ اپنڑاں موثر کردار ادا کرے تاں جو خطے اچ امن دے قیام کوں یقینی بنڑایا ونجے ۔انہاں خیالاں داا ظہار انہاں اقوام متحدہ دی جنرل اسمبلی دے 72ویں سیشن دے دوران اپنڑی گالھ مہاڑ اچ کیتا ،انہاں آکھیا جو مقبوضہ کشمیر تے فلسطین اچ مسلماناں تے بدترین ظلم کیتا ویندا پے تے او آزادی سمیت اپنڑے سارے بنیادی حق توں محروم ہن جیرھا جو اقوام متحدہ دے قنون ،انصاف تے انسانیت دی خلاف ورزی ہے ۔کئی واری انہاں ڈو اہم ایجنڈے کوں عالمی پلیٹ فارم تے چاتا گیا ایندے باوجود کوئی حل نی کڈھیا گیا کیوں جو ایندی رستے اچ ساریاں وڈیاں رکاوٹاں انساناں دے ہی تخلیق کیتے گے جنگی آلات ہن جیرھا جو تباہی دا باعث بنڑدے پن ۔انہاں آکھیا جو امن دے قیام سانگے اقوام متحدہ دے سارے رکن ملکاں کوں مشورے نال ایجھی اصلاحات نافذ کرنڑیاں ہوسن جیں نال انہاں چیلنج نال چنگے طریقے نال نبڑیا ونج سگے تے خطے اچ امن دے قیام کوں ممکن بنڑایا ونج سگے ۔