اسلام آباد ۔ 12 ستمبر (اے پی پی) وزیر مملکت قانون تے انصاف محسن شاہ نواز رانجھا آکھیا ہے جو انہاں کوں امید ہے جو سپریم کورٹ دے 5رکنی بنچ پاناما فیصلے تے نظر ثانی دی اپیل دی سماعت آئین تے قانون دے مطابق کریسی ۔میڈیا نال گالھ مہاڑ اچ انہاں آکھیا جو 28جولائی کوں سپریم کورٹ دے ججاں دے 5رکنی بنچ سابق وزیراعظم نواز شریف دی نااہلی د فیصلہ سنڑایا ،این بنچ کوں پاناما فیصلے تے نظر ثانی دی اپیل دی سماعت وی کرنڑیں چاہیدی ہے ،انہاں آکھیا جو نواز شریف کوں 2کروڑ عوام ووٹ ڈے تے اپنڑاں وزیر اعظم منتخب کیتا لیکن کہیں وی قسم دی کرپشن ثابت نہ کرنڑ دے باوجود انہاں کوں نا اہل قرار ڈتا گیا ۔انہاں آکھیا جو پاناما کیس دے فیصلے دے باوجود عوام اچ سابق وزیراعظم نواز شریف دی مقبولیت گھٹ کائنی تھی ،ہنڑ اوی لوکاں کوں اعتماد حاصل ہے ۔انہاں مزید آکھیا جو پاکستان مسلم لیگ (ن ) آئین تے قانون دی پاسداری کرنڑ آلی جماعت ہے ،انہاں آئین دی بالادستی سانگے وکیلاں دیاں کوششاں کوں سراہیا ۔
