اسلام آباد ۔ 13 ستمبر (اے پی پی) وزیر مملکت محسن شاہ نواز رانجھا آکھیا ہے جو عوام دے مسئلے دا حل جمہوریت اچ ہے ۔ملک اچ امن و امان دی صورت حال چنگی تھی ہے ۔منتخب حکومتاں کوں مد ت پوری کرنڑ ڈتی ونجے تاں ترقی تے خوشحالی دے نال ملک کوں استحکام حاصل تھیسی ۔بدھ کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں انہاں آکھیا جو ملک اچ ضرب عضب تے ردالفساد اپریشن کامیابی نال تھیا ۔حکومت دیاں کوششاں نال ملک اچ امن و امان دی صورت حال اچ چنگائی آئی ہے ۔ہک سوال دے جواب اچ انہاں آکھیا جو ملک اچ عالمی معیار دی کرکٹ دا ولا آغاز بہوں وڈی کامیابی ہے ۔غیر ملکی شخصیات تے کاروباری اداریں دی پاکستان اچ دلچسپی تے آمد ایں گالھ دی ضمانت ہے جو انہاں دا پاکستان تے اعتماد بحال تھیا ہے ۔انہاں آکھیا جو رہنگیا دے مسلمان دا مسئلہ امت مسلمہ سانگے ہک چیلنج بنڑ گیا ہے ۔مسلم امہ کوں ہک مٹھ تھی تے ایندے تے متفقہ موقف اختیار کرنڑاں ہوسی ۔
