اسلام آباد ۔ 21ستمبر (اے پی پی) وزیر مملکت داخلہ طلال چوہدری آکھیا ہے جوقومی ایکشن پلان تے وفاق بھرپور عملدرآمد کیتا ہے ایں تے سیاسی پوائنٹ سکورنگ دی بجائے اپنڑے متعلقہ صوبیں اچ کم کیتا ونجے ۔ایندے 20نکات اچوں اکثر دا تعلق صوبیں نال ہے ۔خمیس کوں قومی اسمبلی اچ شہریار آفریدی آکھیا جو ہک پاسے فاٹا اصلاحات کیتیاں ویندیاں پیاں ہن ڈوجھے پاسے فاٹا اچ تعلیمی ادارے نہ ہوونڑ دے برابر ہن جیرھے جع تعلیمی ادارے موجود ہن اتھاں استاد ہی کائنی ۔فاٹا دے حوالے نال پکے اقدامات کیتے ونجن ۔انہاں نیشنل ایکشن پلان کوں وی تنقید دا نشانہ بنڑایا ۔ وزیر مملکت داخلہ طلال چوہدری آکھیا جو نیشنل ایکشن پلان تے تنقید فیشن بنڑ گیا ہے۔ این اے پی دے 20 نکات دا تعلق صوبیں توں ہے۔ وزارت داخلہ نیشنل ایکشن پلان تے عملدرآمد دے حوالے نال جواب ڈیونڑ سانگے تیار ہے ۔ صوبیں کوں وی جوابدہ ہوونڑاں چاہیدا ہے ۔ اساڈی حکومت برسر اقتدار آتے نیشنل ایکشن پلان دی گالھ کیتی تے اینکوں عملی شکل وی ڈتی
