اسلام آباد ۔ 26 ستمبر (اے پی پی) وزیرمملکت داخلہ طلال چوہدری آکھیا ہے جو سابق وزیراعظم نواز شریف انصاف دی امید تے احتساب عدالت اچ پیش تھیندے پے ہن ۔منگل کوں سابق وزیراعظم نواز شریف دی احتساب عدالت اچ پیشی توں پہلے میڈیا نال گالھ مہاڑ کریندے ہوئیں انہاں آکھیا جو احتساب عدالت اچ پیش تھی تے نواز شریف آئین تے قانون سانگے احترام دا مظاہرہ کیتا ہے اساں توقع رکھیندوں جو انصاف تھیسی ۔انہاں آکھیا جو اگر اساں گزریل سماعتاں دا مشاہدہ کروں تاں اے گالھ واضح ہے جو پانامہ پیپرز دی آڑ اچ اقامے دی بنیاد تے نوازشریف کوں سزا ڈتی گی ،سابق وزیراعظم کوں ہک کاغذ دے ٹکڑے دی بنیاد تے سزا ڈتی گی جیرھا جو عام طور تے لوک رکھیندے ہن ۔وزیر مملکت آکھیا جو سابق وزیراعظم محمد نواز شریف ہمیشہ اداریں دے وقار کوں بلند کرنڑ دی کوشش کیتی ہے ۔انہاں آکھیا جو کجھ سیاسی مداری نوازشریف دی واپسی تے صدمے اچ ہن ، نوازشریف عدالتاں دا احترام جاری رکھیسن تے کوئی وی انہاں کوں عوام دی خدمت کرنڑ توں روک کائنی سگدا۔
