اسلام آباد ۔ 6 ستمبر (اے پی پی) یوم دفاع پاکستان دے موقع تے کراچی اچ مزار قائدتے گارڈز دی تبدیلی دی پر وقار تقریب دا انعقاد کیتا گیا ۔پاک فضائیہ دے کیڈٹس گارڈز دے فرائض سانبھ گھدے ۔پی ٹی وی دے مطابق یوم دفاع پاکستان دے موقع تے کراچی اچ واقع مزار قائد اعظم محمد علی جناح تے گاڈز دی تبدیلی دی پر وقار تقریب دا انعقاد کیتا گیا ۔تقریب دے مہمان خصوصی ائیر وائس مارشل عمران خالد ہن۔ایں موقع تے مہمان خصوصی کوں گارڈ آف آنرو ی پیش کیتا گیا تے قومی ترانے دی دھن وجائی گی ۔ائر وائس مارشل عمران خالد مزار قائد تے پھلاں دی چادر چڑھائی تے فاتحہ خوانی کیتی جیں دے بعد مہماناں دی کتاب اچ اپنڑے تاثرات قلمبند کیتے ۔پاک فضائیہ دے کیڈٹس گارڈز دے فرائض سانبھ گھدے ۔مزار قائد تے پاک فضائیہ دے کیڈٹس دی پریڈ سکوارڈن لیڈر علی اکبر لیڈ کیتا ۔ تقریب اچ وزیراعلیٰ سیّد مراد علی شاہ سمیت اعلیٰ سول اتے عسکری حکام، سکولاں، کالجاں دے طالب علم تے والدین تے شہریاں دی وڈی تعداد اچ شرکت کیتی ۔
