ملک اچ ایڈز دے رجسٹرڈ کیساں دی تعداد 8074 ہے، بہوں سارے مریض رجسٹریشن توںنی کرویندے،وزیر صحت تے قومی خدمات سائرہ افضل تارڑ

اسلام آباد ۔ 14ستمبر (اے پی پی) قومی اسمبلی کون وزارت صحت و قومی خدمات ولوں ڈسایاگیا جو ملک اچ ایں ویلھے مجموعی طور تے ایڈز دے کیساں دی تعداد 8074ہے تاں جو بہوں سارے ریجھے مریض ہن جیرھے جو علاوج تاں کراونڑ چاہندے ہن مگر رجسٹریشن نی کرویندے ۔خمیس کوں قومی اسمبلی اچ سوالاں دے وقفے دے دوران ثریا جتوئی دے سوال دے جواب اچ وزیرصحت تے قومی خدمات سائر ہ افضل تارڑ ڈسایا جو 30جون 2017دے دوران ملک اچ ایڈز دے رپورٹ کیس دی کل تعداد 8071ہے جیں اچوں وفاق اچ 503 ‘ پنجاب اچ 3878‘ سندھ اچ 2521‘ کے پی کے اچ 881 ‘ بلوچستان اچ 291 کیس رجسٹر ڈ کیتے گے ہن ۔ سائرہ افضل تارڑ دا آکھنڑ ہئی جو ایڈز دے مریض اپنڑے مرض کوں لوکیندے ہن ۔ہک وڈی تعداد علاج کرویندی پئی ہے ۔او اکھیندے ہن جو انہاں کوں رجسٹر نہ کیتا ونجے ۔حکومت تے این جی او ایں مرض دے حوالے نال لوکاں اچ شعور نشابر کرنڑ سانگے کوشش کریندے پن ۔ڈینگی دے حوالے نال حامد الحق دے سوال دے جواب اچ سائرہ افضل تارڑ آکھیا جو پنجاب اچ ایں مرض تے قابو پاونڑ سانگے صوبائی حکومت ہنگامی بنیاداں تے اقدامات کیتے جیں دا چنگاں نتیجہ ساریں دے سامنڑے ہے ۔اساں صوبہ کے پی کے دی حکومت کوں پیشکش کیتی جو اگر او اساڈی مدد نی گھننڑ چاہندے تاں اساں زبر دستی نی کر سگدے ۔