نواز شریف احتساب عدالت اچ پیش تھی تے ثابت کر ڈتا ہے جو ااو عدلیہ دا احترام کریندے ہن ، عابد شیر علی

اسلام آباد ۔ 26 ستمبر (اے پی پی) وزیر مملکت توانائی عابد شیر علی آکھیا جو نواز شریف ثابت کر ڈتا جو او عدلیہ دا احترام کریندے ہن۔منگل کوں احتساب عدالت دے باہروں صحافیاں نال گالھ مہاڑ کریندے ہوئیں انہاں آکھیا جو پانامہ دے نان تے تماشہ کھڑا کرنڑ آلے ملک کوں اناردے پاسے کریندے پن او کڈاہیں کامیاب کائناں تھیسن ۔انہاں آکھیا جوپاکستان مسلم لیگ نواز ہمیشہ قانون اتے آئین دی پاسداری دی گالھ کیتی ہے ۔ سابق وزیراعظم نواز شریف احتساب عدالت اچ پیش تھی تے ثابت کر ڈتا ہے جو اساں عدلیہ دا حترام کریندوں ۔انہاں آکھیا جو ملک دشمن قوتاں کوں شکست تھی ویسی تے نفر ت کھنڈاونڑ تے نواز تے انہاں دے بالاں دے لندن بھج ونجنڑ دے حوالے نال گالھیں باتیں ختم تھیونڑیاں چاہیدیاں ہن ۔انہاں آکھیا جو ملک تکھے ترقی دے پاسے ویندا پیا ہے ۔نواز شریف دی قیادت اچ ن دے شیر ہک مٹھ ہن ۔