اسلام آباد ۔ 25 ستمبر (اے پی پی) وفاقی وزیر موسمیاتی تبدیلی مشاہد اﷲ خان آکھیا ہے جو محمد نواز شریف پہلے وانگوں ایں واری وی اپنڑے خلاف ساریاںسازشاں دا بہادری نال مقابلہ کریسن۔ سنوار کوں میڈیا نال گالھ مہاڑ کریندے ہوئیں انہاں آکھیا جو پاکستان مسلم لیگ ن کوں سپریم کورٹ دے فیصلے تے تحفظات ہن ۔انہاں آکھیا جو پارٹی ورکزر اپنڑے معزول وزیراعظم دے خلاف ساریاں سازشاں کوں بے نقاب کریندے پے ہن ۔منتخب نمائندیں کوں انتقامی کاروائیاں دا نشانہ بنڑاونڑ انہاں دے پارٹی کارکناں کوں نشانہ بنڑاونڑاں ہے ۔مشاہد اﷲ خان آکھیا جو ایم این اے چوہدری نثار ہک صاف شخص ہن تے ایں ویلھے او کہیں سازش اچ شامل کائنی۔ انہاں قومی اسمبلی دے حلقہ این اے 120 دے ضمنی انتخاب سانگے بیگم کلثوم نواز دی انتخابی مہم اچ مریم نواز دے متحرک کردار دی تعریف کیتی۔
