اسلام آباد ۔ 21ستمبر (اے پی پی) وزیر قانون زاہد حامد ڈسایا ہے جونیب 2013توں مارچ 2017تئیں 36 ارب 27 کروڑ 80 لکھ روپے وصول کیتے ہن جڈاں جو ایں عرصے اچ پلی بارگین دے ذریعے 582 کیس طے کیتے گے ۔ خمیس کوںقومی اسمبلی اچ وقفہ سوالات دے دوران ثریا جتوئی دے سوال دے جواب اچ وزیر قانون زاہد حامد ڈسایا جوجنوری 2013توں مارچ 2017تئیں نیب ولوں پہلے سمن جاری کیتے ویندے ہن ۔ حاضر نہ ہوونڑ تے قابل ضمانت ولا ناقابل ضمانت وارنٹ جاری تھی ویندے ہن تے ولاجائیداد ضبط کیتی ویندی ہے ۔ انہاں ڈسایا جو ایں عرصے دے دوران 948 ریفرنسز دائر کیتے گے ۔ 2013اچ 7 ارب‘ 2014اچ ساڈھے ترائے ارب‘ 2015ءاچ 12 ارب‘ 2016اچ 12 ارب 72 کروڑ جڈں جواجوکے سال 89 کروڑ وصول کیتے گن۔ 2016اچ 224 اتے 2015اچ 172 کیس پلی بارگین دے ذریعے طے کیتے گے ۔
